shbabalda3oa

shbabalda3oa

من الجميل ان تزرع ورده فى بستان لكن من الاجمل ان تضع الحب فى قلب انسان انت وحد فى عيونى أجمل وأحلى ملاك انت مهما خيرونى مستحيل اعشق سواك أغضب فأنت رائع حينما تثور أغضب فلولا الموج ما تكونت البحور أغضب كن عاصفاً كن ممطراً فإن قلبى دائما غفور كل
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 عمرك قولت ((بحبك يا رب))

اذهب الى الأسفل 
كاتب الموضوعرسالة
KaRiZmA

avatar

عدد المساهمات : 160
تاريخ التسجيل : 27/07/2010
العمر : 21
الموقع : بني سويف

مُساهمةموضوع: عمرك قولت ((بحبك يا رب))   الجمعة يوليو 30, 2010 6:30 am

بسم الله الرحمن الرحيم


كلمة (( بحبك )) عمرك قولتها من قلبك بجد ؟؟

ثوانى قبل ما تقول اه او لأ ....

مش قصدى تقول كلمة بحبك لشخص ....

قصدى تقول كلمة بحبك لربنا

عمرك فكرت تقوم تتوضى وتصلى ركعتين فى جوف الليل وتناجى ربنا وتقول (( بحبك يارب ))

وهل سواه يستحق كل حبك ..... هل سواه جلا فى علاه يستحق ان يملأ قلبك ...

فكرت قبل كده تعد نعم ربنا عليك ... فكرت ولا مخطرش على بالك الكلام ده ...

تأمل قول الحق تبارك وتعالى ...

(وَإِنْ تَعُدُّوا نِعْمَتَ اللَّهِ لَا تُحْصُوهَا إِنَّ الْإِنْسَنَ لَظَلُومٌ كَفَّارٌ) [إبراهيم: 34] ...

يعنى حتى لو فكرت تعد نعم ربنا عليك مش هتقدر تحصيها ...

طيب نعد شوية من نعم ربنا علينا مع بعض ..

نعمة الاسلام وكفى بها نعمة .... ونعمة الصحة والستر .... ونعمة البصر والسمع والكلام ....

ونعمة الاب والام والاخوات ..... ونعمة النجاح والتوفيق .....

ونعمة انك دلوقتى قادر تستخدم جهاز الكمبيوتر وتقرأ كلامى ده ..... نعمة انك قادر تمشى على رجليك وتروح لشغلك وترجع لبيتك ...

ونعم كتيرة اوى ....

كل النعم دى متستحقش انك تقول (( بحبك يا رب ))

بلاش كل النعم دى .....

ربنا وستره علينا لوحده مش كفايه علشان نحبه ...

اللهم لا تفضحنا بخفى ما اطلعت عليه من اسرارنا. ولا بقبيح ما تجرأنا به عليك فى خلواتنا يارب العالمين

شوف لو حد اخفى عيب من عيوبك على الناس هتكون ممنون ليه قد ايه ...

شوف لو حد قدم لك خدمة هتكون عاوز تخدمه بعنيك قد ايه ...

شوف ربنا اللى جعل الدنيا دى كلها ملك لك ... ميستحقش انك تقول له (( بحبك يا رب ))

( اللهم إني أسألك حبك، وحب من يحبك، وحب كل عملٍ يقربني إلى حبك، اللهم اجعل حبك أحب الى من اهلى ومن مالى ومن ولدى ومن الماء البارد على الظمأ )
Wink Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عمرك قولت ((بحبك يا رب))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shbabalda3oa :: اسلاميات :: مواضيع اسلاميه-
انتقل الى: